[[{“value”:”
近排有網民發現「樓上」新推出一系列巴斯克芝士蛋糕，更大讚好食添！蛋糕一共有5款口味，標榜100%自家製手造烘焙，採用經典澳洲忌廉芝士製作，價錢由$102-138不等，CP值幾高！即睇試食報告啦。
樓上新推巴斯克芝士蛋糕 自家製手造烘焙＋澳洲忌廉芝士製！
口感：
樓上新推一系列原個巴斯克芝士蛋糕，標榜100%自家製手造烘焙，採用經典澳洲忌廉芝士製作。蛋糕表面帶微焦，而整體口感偏硬身，較易散開，食落未算好creamy！
（圖片來源：新假期編輯部）
味道
蛋糕共有5款口味，包括原味、開心果、抹茶、玄米茶麻糬及特濃可可，當中最推薦後兩者。特濃可可巴斯克，可可味濃郁微苦；玄米茶茶香清爽唔甜膩，麻糬口感夠煙韌！
評分：4/5
（圖片來源：新假期編輯部）
巴斯克芝士蛋糕系列價錢由$102-138不等，CP值幾高! 蛋糕每日限量手造，部分口味僅限指定分店有售，有興趣的朋友購買前可先致電查詢，避免去到但買唔到呀！
The post 樓上新推巴斯克芝士蛋糕 自家製手造烘焙＋澳洲忌廉芝士製！ appeared first on 新假期.
“}]] 飲食 – 新假期 Read More
