[[{“value”:”
九龍灣新開全港首間即撈活海鮮的火鍋放題店，佔地過萬呎，最平$248可任食四小時，CP值超高！食客可以到8米長魚缸任撈多達10款海鮮，包括花蟹、鮑魚、海蝦、沙白等，另外價錢仲包任食50款火鍋配料、熟食、甜品和飲品，據悉現時預訂排到11月尾，想食就要快啲訂枱啦！
九龍灣「千海水產海鮮火鍋放題」即撈海鮮放題！
九龍灣新開一間佔地過萬呎的火鍋放題店「千海水產海鮮火鍋放題」，午市$248（11月4日開始$258）就可以無限任食4小時即撈海鮮打邊爐，晚市最平$308任食2小時（11月4日開始$318），海鮮款式包括花蟹、鮑魚、蝦、沙白/蜆，全部放在魚缸供食客即撈，價錢仲包任食超過50款的火鍋配料、熟食、甜品和飲品，一開幕即成為預約困難店，booking爆滿，非常誇張！
8米長的魚缸！任撈10款海鮮打邊爐
大家最關心的即撈海鮮位於門口位置，8米長的魚缸提供10款時令活海鮮，包括花蟹、三點蟹、鮑魚、瀨尿蝦、花甲、灰蜆、白蜆、沙白、大頭蝦、基圍蝦、草蝦，客人可自助撈海鮮，再交給店員清洗，即撈即煮用來打邊爐！客人可以掃QR code揀湯底和肉類，餐廳提供10款火鍋湯底，記者特別推介龍蝦頭鍋用來淥海鮮，湯底鮮甜味濃； 肉類方面提供美國牛肩胛片、澳洲M5和牛、澳洲羊肉片、美國豬梅肉片，澳洲M5和牛肉質嫩滑，柔軟甘甜。除此之外，自助吧提供多款火鍋配料，包括廣島蠔、帆立貝、鵝腸、珍寶蟹棒等，選擇超豐富！
任食多款熟食和Häagen-Dazs雪糕
除咗打邊爐，現場仲可以任食多款熟食和雪糕，焦點包括鵝肝多士、川味燒鮮蠔、鹽燒牛舌、榴槤炸彈、原粒榴槤肉、麻辣小龍蝦、各式點心，另外仲可以任食Häagen-Dazs雪糕，以及手工生啤和日本清酒，這個價錢食到海鮮和過百款美食，真心物超所值，難怪一開張就咁多人訂位！
- 千海水產海鮮火鍋放題
- 地址：九龍灣牛頭角道77號淘大商場3期2樓S154, S162及S155-S158號舖
- 電話：3622 2112、3622 2118
- 營業時間：12nn-11pm
- 午市火鍋放題詳情：12nn-4pm（任食4小時）星期一至五 成人體驗價$248（原價$298）（11月4日開始$258）；星期六、日及公眾假期 成人體驗價$268（原價$318）（11月4日 開始$278）；小童一律體驗價$188（原價$238）（11月4日開始$198）
- 晚市火鍋放題詳情：5pm-11pm（任食2小時）星期一至四 成人體驗價$308（原價$358）（11月4日開始$318）；7:30pm前離座成人體驗價$268（原價$318）（11月4日開始$278）；9pm後入座成人體驗價$278（原價$328）（11月4日開始$288）；星期五至日、公眾假期及其前夕 成人體驗價$328（原價$378）（11月4日開始$338）；7:30pm前離座 成人體驗價$288（原價$338）（11月4日開始$298）；9pm後入座成人體驗價$298（原價$348）（11月4日開始$308）
- 備註：設加一服務費，12月1日午市放題任食時段會轉為3小時。
- IG按此
The post 九龍灣即撈海鮮火鍋放題 $248任食4小時！10款生猛海鮮＋過百款火鍋配料 appeared first on 新假期.
“}]] 飲食 – 新假期 Read More
